NATO-nun 28 üzv ölkəsinin müdafiə nazirləri oktyabrın 26-27-də Brüsseldə keçiriləcək görüşdə Qara dəniz regionunda mövcudluğun gücləndirilməsini və qüvvələrin sürətli yer dəyişdirməsinin təmin edilməsinin zəruriliyini müzakirə edəcəklər. “Yeniavaz.az”ın RİA Novosti-yə istinadən verdiyi məlumata görə, bunu NATO-nun baş katibi Yens Stoltenberq deyib. Onun sözlərinə görə, Brüssel görüşü çərçivəsində Kanada, Almaniya, ABŞ və Böyük Britaniya 2017-ci ilin əvvəlində Polşa və Baltikyanı ölkələrdə çoxmillətli batalyonların yerləşdirilməsi üzrə dəqiq planlarını açıqlayacaqlar. Fevralda NATO müdafiə nazirləri alyansın şərq sərhədlərində - Şərqi Avropa ölkələrində və Qqara dəniz regionunda iştirakı gücləndirmək qərarına gəliblər, iyul sammitində isə üzv dövlətlərin başçıları Baltikyanı ölkələrdə və Polşada dörd çoxmillətli batalyon yerləşdirilməsi barədə razılığa gəliblər.